Каўчэг з часцінкай мошчаў дабравернага князя Аляксандра Неўскага прыбыў у горад Бабруйск

Святыня будзе даступнай для малітоўнага пакланення вернікаў у жаночым манастыры святых Жанчын-Міраносіц да 28 ліпеня 2021 года. Далей маршрут руху праляжа праз Барысаў, а ў Мінску завершыцца ўрачыстым хрэсным ходам.

Брацтва святога апостала Іаана Багаслова запрашае добраахвотнікаў для ўдзелу ў дзяжурстве ля каўчэга з мошчамі дабравернага вялікага князя Аляксандра Неўскага ў Мінску

30 ліпеня 2021 года святыня будзе прынесена для пакланення ў горад Мінск. Яна прыбудзе ў Свята-Духаў кафедральны сабор 30 жніўня ў 14.00 і будзе знаходзіцца тут да 8.30 1 жніўня. Па благаславенню Патрыяршага Экзарха будзе арганізавана дзяжурства валанцёраў каля святыні.

Протаіерэй Фёдар Поўны стаў героем сумеснага дакументальнага праекта «Твары Царквы» партала «Іісус» і тэлеканала «Спас»

Настаяцель прыхода храма Усіх Святых горада Мінска, старшыня Сінадальнага аддзела па супрацоўніцтве са свецкімі ўстановамі адукацыі Беларускай Праваслаўнай Царквы протаіерэй Фёдар Поўны распавядае ў перадачы аб сваім духоўным шляху; аб служэнні ў Германіі; храме-помніку Усіх Святых, у будаўніцтве якога ён прымаў удзел, аб крыпце храма і ваенным музеі; а таксама аб працы Дома міласэрнасці ў Мінску.

Патрыяршы Экзарх здзейсніў малебен на пачатак будаўніцтва на месцы будучага храма ў гонар свяціцеля Спірыдона Трыміфунцкага ў горадзе Мінску

25 ліпеня 2021 года, у Нядзелю 5-ю пасля Пяцідзесятніцы, дзень святкавання іконы Божай Маці, іменаванай «Трохручыца», мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў малебен перад пачаткам будаўніцтва і асвячэнне паклоннага крыжа на месцы будаўніцтва храма ў гонар свяціцеля Спірыдона Трыміфунцкага ў горадзе Мінску.

У Нядзелю 5-ю пасля Пяцідзесятніцы мітрапаліт Веніямін здзейсніў Бажэственную літургію ў храме свяціцеля Мікалая Цудатворца ў мікрараёне Сокал горада Мінска

25 ліпеня 2021 года, у Нядзелю 5-ю пасля Пяцідзесятніцы, дзень святкавання іконы Божай Маці, іменаванай «Трохручыца», мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў храме свяціцеля Мікалая Цудатворца ў мікрараёне Сокал горада Мінска.

У Магілёў прыбыў каўчэг з часцінкай мошчаў святога дабравернага князя Аляксандра Неўскага [+праграма далейшага знаходжання святыні ў гарадах Беларусі]

Святыня будзе даступнай для пакланення вернікаў у Спаса-Праабражэнскім кафедральным саборы горада Магілёва па 26 ліпеня. Пасля каўчэг са святыняй даставяць у Бабруйск, дзе ён прабудзе да 28 ліпеня. Далей маршрут руху пройдзе праз Барысаў, а ў Мінску завершыцца ўрачыстым хрэсным ходам.

Урачыстасці ў гонар Баркалабаўскага абраза Божай Маці прайшлі ў Бабруйскай епархіі

Бажэственную літургію здзейснілі архіепіскап Магілёўскі і Мсціслаўскі Сафроній, епіскап Бабруйскі і Быхаўскі Серафім, духавенства Бабруйскай і Магілёўскай епархій. У манастыры сабраліся шматлікія паломнікі — удзельнікі хрэснага хода. Багамольцы, несучы на руках абраз Царыцы Нябеснай і саборна спяваючы Іісусаву малітву, здзейснілі 40-кіламетровы шлях з Магілёўскага храма царскіх страстацерпцаў да Баркалабаўскага Спаса-Узнясенскага жаночага манастыра, дзе знаходзіцца цудатворная ікона Божай Маці «Баркалабаўская».

Адбылася прэм'ера фільма «Архіерэй» пра старшыню Аддзела знешніх царкоўных сувязяў Маскоўскага Патрыярхату мітрапаліта Валакаламскага Іларыёна

24 ліпеня 2021 года мітрапаліту Валакаламскаму Іларыёну, старшыні Аддзела знешніх царкоўных сувязяў Маскоўскага Патрыярхату, споўнілася 55 гадоў. Да гэтай даты была прымеркавана прэм'ера дакументальнага фільма «Архіерэй», знятага тэлеканалам «Культура».

У Мінскай духоўнай акадэміі адбылося пасяджэнне Вучонага савета

23 ліпеня 2021 года рэктар Мінскай духоўнай акадэміі іераманах Афанасій (Сакалоў) узначаліў працу чарговага пасяджэння Вучонага савета Мінскай духоўнай акадэміі.

У Віцебску прайшло свята праваслаўнай харавой музыкі «Славянскі дабравест»

У рамках правядзення XXX Міжнароднага фестывалю мастацтваў «Славянскі базар у Віцебску» ў Свята-Успенскім кафедральным саборы горада Віцебска прайшло свята праваслаўнай харавой музыкі «Славянскі дабравест».

У Пінску адбыўся круглы стол «Узаемадзеянне Беларускай Праваслаўнай Царквы і свецкіх устаноў адукацыі»

Удзел у круглым стале прынялі кіраўнік Сінадальнага аддзела па супрацоўніцтве са свецкімі ўстановамі адукацыі Беларускай Праваслаўнай Царквы, настаяцель прыхода храма ў гонар Усіх святых у Мінску протаіерэй Фёдар Поўны і прадстаўнікі дзяржаўнай сістэмы адукацыі рэгіёна.

У дзень Хрышчэння Русі ў Тураве завершыцца шматдзённы хрэсны ход у гонар святога дабравернага князя Аляксандра Неўскага «Не ў сіле Бог, а ў праўдзе!»

Далучыцца да хрэснага ходу можна на любым адрэзку шляху.

Каўчэг з часцінкай мошчаў святога дабравернага князя Аляксандра Неўскага прынесены ў горад Гомель [+праграма далейшага знаходжання святыні ў гарадах Беларусі]

Сустрэчу ўзначаліў Высокапраасвяшчэннейшы Сцяфан, архіепіскап Гомельскі і Жлобінскі сумесна з Праасвяшчэннейшым Амвросіем, епіскапам Светлагоскім, вікарыем Гомельскай епархіі, з духавенствам епархіі і шматлікай паствай.

Штогадовы хрэсны ход у гонар іконы Маці Божай Баркалабаўскай пачнецца 23 ліпеня

40-кіламетровы шлях багамольцаў будзе пралягаць са Свята-Нікольскага манастыра горада Магілёва да Свята-Узнясенскага манастыра ў пасёлку Баркалабава Быхаўскага раёна, дзе знаходзіцца цудатворны абраз.

У Мінскай духоўнай акадэміі пачаліся уступныя экзамены ў аспірантуру і магістратуру

20 ліпеня 2021 года ў Мінскай духоўнай акадэміі пачаліся ўступныя іспыты ў аспірантуру і магістратуру. Рэктар акадэміі іераманах Афанасій (Сакалоў) здзейсніў у храме свяціцеля Кірыла Тураўскага малебен перад пачаткам добрай справы.