Патрыяршы Экзарх прыняў удзел у цырымоніі адкрыцця Дня беларускага пісьменства

2 верасня ў горадзе Полацку адбылася ўрачыстая цырымонія адкрыцця Дня беларускага пісьменства. Удзел у цырымоніі ўзяў мітрапаліт Мінскі і Заслаўскі Павел, Патрыяршы Экзарх усяе Беларусі.

У рамках Дня беларускага пісьменства адбылася прэзентацыя перакладу Новага Запавету на беларускую мову

2 верасня мітрапаліт Мінскі і Заслаўскі Павел, Патрыяршы Экзарх усяе Беларусі, узначаліў урачыстую прэзентацыю перакладу Свяшчэннга Пісання Новага Запавету на беларускую мову.

Канцэрт пад адкрытым небам арганізаваў прыход Спаса-Праабражэнскага храма ў Астрашыцкім Гарадку

Былі выкананы вядомыя творы царкоўнай музыкі і аўтарскія песні прыхаджан, напоўненыя хрысціянскім сэнсам. Канцэрт наведалі больш за 100 чалавек. Плануецца, што ў далейшым мерапрыемства стане штогадовым і набудзе фармат фестывалю.

Патрыяршы Экзарх прыняў удзел у прэзентацыі факсімільнага выдання «Кніжная спадчына Францыска Скарыны»

1 верасня мітрапаліт Мінскі і Заслаўскі Павел, Патрыяршы Экзарх усяе Беларусі, прыняў удзел у прэзентацыі факсімільнага дваццацітомнага выдання «Кніжная спадчына Францыска Скарыны». Прэзентацыя адбылася ў Нацыянальнай бібліятэцы Беларусі.

У прыходах Беларускай Праваслаўнай Царквы прайшлі вечары сучаснай беларускай літаратуры

Мерапрыемствы былі арганізаваны Сінадальным аддзелам па рэлігійнай адукацыі і катэхізацыі для папулярызацыі сучасных літаратурных твораў на беларускай мове, якія нясуць высокія маральныя ідэалы.

У Свята-Духавым кафедральным саборы стартуе экспедыцыя «Дарога да святыняў»

Навукова-асветніцкая экспедыцыя «Дарога да святыняў» праходзіць у Беларусі 24 гады. Яна нарадзілася адначасова з Днём пісьменства. У ёй бярэ ўдзел творчая і навуковая інтэлігенцыя краіны: пісьменнікі, мастакі, музыканты, навукоўцы. Традыцыйна экспедыцыя пачынаецца ў Мінску, у Свята-Духавым кафедральным саборы, дзе захоўваецца Благадатны агонь ад Гроба Гасподняга, а далейшы маршрут вызначаецца ў залежнасці ад сталіцы Дня пісьменства. Сёлета канчатковы пункт прызначэння — Полацк.

У Мінску стартуе дабрачынная акцыя «Радасць ведаў»

З 29 жніўня па 4 верасня ў горадзе Мінску пройдзе дабрачынная акцыя «Радасць ведаў», прысвечаная пачатку навучальнага года. Акцыя плануе ахапіць 200 адрасатаў, сярод якіх — дзеці з абмежаванымі магчымасцямі, якія знаходзяцца на рэабілітацыі пасля перанесеных захворванняў, а таксама дзеці з няпоўных і шматдзетных сем'яў.

Вернікаў з розных куткоў Беларусі збярэ акцыя «Ікона Божай Маці «Усецарыца» — Дарога Міласэрнасці»

Традыцыйная акцыя «Ікона Божай Маці «Усецарыца» — Дарога Міласэрнасці» ў 2017 годзе ўпершыню аб'яднала прадстаўнікоў некалькіх епархій Беларускай Праваслаўнай Царквы. Сярод партнёраў акцыі — Беларуская асацыяцыя лекараў, Міністэрства абароны Рэспублікі Беларусь, валанцёрскія аб'яднанні.

Богаслужэнні для дзяцей і моладзі, што навучаюцца, праходзяць у Навагрудскай епархіі

З 20 па 30 жніўня ў прыходах Навагрудскай епархіі праходзяць богаслужэнні для дзяцей і моладзі, што вучацца. Дашкольнікі, навучэнцы школ і ВНУ моляцца на Бажэственнай літургіі, спавядаюцца і прычашчаюцца Святых Хрыстовых Тайн.

У вёсцы Пагост адбыўся хрэсны ход у памяць аб ахвярах нацысцкіх акупантаў

20 жніўня ў вёсцы Пагост Жыткавіцкага раёна адбыўся хрэсны ход, прысвечаны памяці мірных жыхароў, нявінна забітых у час Вялікай Айчыннай вайны 22 жніўня 1941 года. У той дзень нацысцкія карнікі спалілі ў Пагосце 163 двары, забілі 69 чалавек.

Ва ўсіх храмах Гомельскай епархіі прайшоў збор сродкаў на аперацыю 5-гадовай Лізаветы Талавіра

19 жніўня па благаславенню епіскапа Гомельскага і Жлобінскага Сцяфана ва ўсіх храмах Гомельскай епархіі адбыўся збор сродкаў на экстранную аперацыю Лізаветы Талавіра 2012 года нараджэння. Намаганнямі неабыякавых вернікаў патрэбная сума была сабраная.

У выдавецтве Спаса-Еўфрасіннеўскага манастыра выйшаў аўдыё-CD «Неўвядальны цвет райскага саду»

Дыск «Неўвядальны цвет райскага саду» адкрывае серыю дыскаў царкоўных песнапенняў «Промні святла» ў выкананні хору сясцёр Спаса-Еўфрасіннеўскага манастыра. Спевы службы на спачын прападобнай Еўфрасінні, ігуменні і князёўны Полацкай, выконвае хор сясцёр абіцелі пад кіраваннем манахини Фяўронні (Бармічовай).

У час Успенскага посту ў Іўеўскім благачынні моляцца за навучэнцаў

19 жніўня, у свята Праабражэння Гасподняга, і ў нядзельны дзень 20 жніўня за Бажэственнай літургіяй у Панцеляіманавым храме маліліся выкладчыкі і навучэнцы мясцовай сярэдняй школы, а таксама студэнты. Педагогі і іх выхаванцы паспавядаліся і прычасціліся Святых Хрыстовых Тайн.

У вёсцы Крулеўшчына адбыўся фестываль праваслаўнай моладзі

Фестываль 2017 года стаў ужо шостым па ліку. У гэтым годзе асноўнай тэмай фестывальных мерапрыемстваў стала тэма сям'і. Ганаровым госцем фестывалю быў архіепіскап Полацкі і Глыбоцкі Феадосій.

У Баранавічах пройдзе выстава-кірмаш «Беларусь праваслаўная»

Па благаславенню архіепіскапа Пінскага і Лунінецкага Сцяфана ў горадзе Баранавічы з 10 па 15 верасня пройдзе 6-я духоўна-асветніцкая выстава-кірмаш «Беларусь праваслаўная». Выстава-кірмаш збярэ каля 50 удзельнікаў з Беларусі, Расіі, Украіны, Малдовы, Грэцыі і Сербіі.