Напярэдадні свята Уздзвіжання Крыжа Гасподняга мітрапаліт Веніямін здзейсніў усяночнае трыванне ў Свята-Духавым кафедральным саборы горада Мінска

26 верасня, напярэдадні свята Сусветнага Уздзвіжання Пачэснага і Жыватворнага Крыжа Гасподняга, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў усяночнае трыванне з чынам Уздзвіжання Крыжа Хрыстова ў Свята-Духавым кафедральным саборы горада Мінска.

У Мінску адбылася прэзентацыя Тураўскага крыжа

Тураўскі крыж быў адноўлены па ўзору ўздзвізальных (напрастольных) крыжоў візантыйскіх і старажытнарускіх храмаў. Да іх жа адносіцца яшчэ адна вядомая беларуская святыня — крыж прападобнай Еўфрасінні Полацкай. Удзел у прэзентацыі прынялі Патрыяршы Экзарх усяе Беларусі мітрапаліт Веніямін і экс-прэм'ер-міністр Рэспублікі Беларусь Сяргей Румас.

У Лаўрышаўскім манастыры адкрылася экалагічная сцежка «Праз стварэнне да Творцы»

У Елісееўскім Лаўрышаўскім мужчынскім манастыры адбылося адкрыццё экалагічнай сцежкі «Праз стварэнне да Творцы», створанай дзякуючы сумесным намаганням манастыра і напрамку «Чалавек і стварэнне» ўстановы «Цэнтр экалагічных рашэнняў».

Царкоўна-гістарычнаму музею Слуцка-Салігорскай епархіі — 5 гадоў

Музей быў утвораны рашэннем Епархіяльнай рады ад 7 верасня 2015 года на базе духоўна-адукацыйнага цэнтра Пакроўскага прыхода вёскі Чыжэвічы Салігорскага раёна. Загадчыкам музея Епархіяльная рада прызначыла сакратара Слуцкага епархіяльнага ўпраўлення протаіерэя Мікалая Лабынько.

Прадстаяцель Беларускай Праваслаўнай Царквы здзейсніў Літургію ў Пакроўскім кафедральным саборы горада Гродна і пагутарыў з духавенствам Гродзенскай епархіі

22 верасня, у дзень памяці святых праведных Богаайцоў Іаакіма і Ганны, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Пакроўскім кафедральным саборы горада Гродна ў саслужэнні архіепіскапа Гродзенскага і Ваўкавыскага Арцемія і духавенства епархіі.

У Чэрвені рэалізуецца праект «Мы ў душах будуем храм»

У рамках праекта людзі з абмежаванымі магчымасцямі, якія наведваюць аддзяленне дзённага знаходжання для інвалідаў, іх бацькі, а таксама людзі, якія наведваюць аддзяленне дзённага знаходжання для грамадзян сталага ўзросту, наведалі храм Уздзвіжання Крыжа Гасподняга ў аграгарадку Раванічы.

Міранская багаслоўская калегія дзейнічае ў Гродне

Выкладчыкі калегіі — свяшчэннаслужыцелі і міране Гродна, якія маюць вышэйшую багаслоўскую адукацыю. Акрамя таго, для лекцый у міранскай багаслоўскай калегіі запрашаюцца выкладчыкі з іншых гарадоў і краін.

13 лістапада адбудуцца VII Тураўскія епархіяльныя адукацыйныя чытанні

13 лістапада адбудуцца VII Тураўскія епархіяльныя адукацыйныя чытанні на тэму: «Фарміраванне гістарычнай памяці моладзі і захаванне культурна-гістарычнай спадчыны беларускага народа (да 550-годдзя яўлення Жыровіцкай іконы Божай Маці, 500-годдзя Жыровіцкага манастыра)».

Адбылася сустрэча архіепіскапа Гродзенскага Арцемія з Патрыяршым Экзархам

21 верасня, свята Нараджэння Прасвятой Уладычыцы нашай Багародзіцы і Вечнадзевы Марыі, у будынку Гродзенскага епархіяльнага ўпраўлення адбылася сустрэча архіепіскапа Гродзенскага і Ваўкавыскага Арцемія з мітрапалітам Мінскім і Заслаўскім Веніямінам, Патрыяршым Экзархам усяе Беларусі.

Ігумення Гаўрыіла выбачылася перад усімі, каго закранула яе выступленне на жаночым форуме «За Беларусь»

Ігумення Гаўрыіла (Глухава), настаяцелька стаўрапігіяльнага жаночага манастыра Нараджэння Багародзіцы ў Гродне, папрасіла прабачэння ва ўсіх, каго абразіла або закранула яе выступленне на жаночым форуме «За Беларусь» 17 верасня.

У Мінску развіталіся з заснавальнікам часопіса «Врата небесные» Андрэем Васільевым

Адышоў да Госпада заснавальнік духоўна-асветніцкага часопіса «Врата небесные», член Саюза пісьменнікаў Беларусі і Расіі (Санкт-Пецярбургскае аддзяленне), сцэнарыст Андрэй Васільеў. Адпяванне адбылося ў мінскім храме святой Сафіі Слуцкай 21 верасня.

Мітрапаліт Веніямін узначаліў прастольную ўрачыстасць у Гродзенскім стаўрапігіяльным жаночым манастыры Нараджэння Багародзіцы

21 верасня, у свята Нараджэння Прасвятой Багародзіцы Марыі, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Гродзенскім стаўрапігіяльным жаночым манастыры Нараджэння Багародзіцы ў саслужэнні архіепіскапа Навагрудскага і Слонімскага Гурыя і духавенства абіцелі.

Мінскую духоўную акадэмію наведаў арцыбіскуп Рымска-Каталіцкай Царквы Антоніа Меніні

У Акадэміі высокага госця сустрэў рэктар архімандрыт Сергій (Акімаў), які правёў экскурсію па комплексе будынкаў духоўнай школы. Госць агледзеў храм свяціцеля Кірыла Тураўскага, бібліятэку, царкоўна-гістарычны музей Беларускай Праваслаўнай Царквы, адміністрацыйны корпус акадэміі.

Напярэдадні свята Нараджэння Прасвятой Багародзіцы мітрапаліт Веніямін здзейсніў усяночнае трыванне ў Лядзенскім Благавешчанскім манастыры

20 верасня, напярэдадні свята Нараджэння Прасвятой Уладычыцы нашай Багародзіцы і Вечнадзевы Марыі, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў усяночнае трыванне ў мужчынскім манастыры ў гонар Благавешчання Прасвятой Багародзіцы ў вёсцы Малыя Ляды Смалявіцкага раёна.

Патрыяршы Экзарх асвяціў храм прападобнага Серафіма Сароўскага ў аграгарадку Замасточча

20 верасня, у Нядзелю 15-ю пасля Пяцідзесятніцы, перад Уздзвіжаннем, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў вялікае асвячэнне храма ў гонар прападобнага Серафіма Сароўскага ў аграгарадку Замасточча Мінскага раёна і ўзначаліў у храме Бажэственную літургію.