Пошук

Мітрапаліт Веніямін узначаліў прастольную ўрачыстасць храма святой роўнаапостальнай Марыі Магдаліны горада Мінска

04 жніўня 2025

4 жніўня 2025 года, у дзень памяці роўнаапостальнай Марыі Магдаліны, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў аднайменным храме горада Мінска.

Яго Высокапраасвяшчэнству саслужылі настаяцель храма роўнаапостальнай Марыі Магдаліны горада Мінска протаіерэй Уладзімір Харашэвіч; сакратар Мінскай епархіі протаіерэй Андрэй Волкаў; благачынны Вілейскай царкоўнай акругі, настаяцель храма прападобнай Марыі Егіпецкай горада Вілейка протаіерэй Вячаслаў Вабішчэвіч; клірыкі прыхода і запрошаныя свяшчэннаслужыцелі.

Дыяканскі чын узначаліў протадыякан Уладзімір Назараў.

Богаслужэбныя спевы выканаў хор пад кіраваннем Наталлі Мядзведзь.

Пасля патроенай екценні Патрыяршы Экзарх узнёс малітву аб аднаўленні міру.

За богаслужэннем Мітрапаліт Веніямін здзейсніў дыяканскую хіратонію выпускніка Агульнацаркоўнай аспірантуры і дактарантуры імя святых роўнаапостальных Кірыла і Мяфодзія іпадыякана Мікалая Камарчука.

Пропаведзь перад прычасцем вымавіў клірык храма іерэй Антоній Казлоў.

Пасля адпуста Літургіі быў здзейснены малебны спеў з хрэсным ходам і слаўленне роўнаапостальнай Марыі Магдаліне.

Па заканчэнні богаслужэння з прывітальным словам да Мітрапаліта Веніяміна звярнуўся настаяцель храма протаіерэй Уладзімір Харашэвіч, які падзякаваў архіпастыру за наведванне прыхода і паднёс яму ў дар архіерэйскае жазло.

Патрыяршы Экзарх павіншаваў духавенства і прыхаджан храма з прастольным святам і звярнуўся да багамольцаў са словам настаўлення.

Пасля чаго царкоўнымі ўзнагародамі былі адзначаны дабрачынцы і прыхаджане парафіі.

На заканчэнне Мітрапаліт Веніямін павіншаваў прычаснікаў з прыняццем Святых Хрыстовых Таін і падаў усім архіпастырскае благаславенне.

Church.by  

Чытайце нас у мэсэнджэрах Telegram і Viber,   

сацсетках Instagram, ВКонтакте,  

 Facebook і Одноклассники, 

глядзіце ў YouTube і TikTok  

Фотарэпартаж