Патрыяршы Экзарх усяе Беларусі ўзяў удзел у працы Шостага Міжнароднага форуму «Святасць мацярынства»

14 лістапада ў Малой зале Палаца Рэспублікі ў горадзе Мінску адбылося ўрачыстае адкрыццё Шостага Міжнароднага форуму «Святасць мацярынства», прысвечанага тэме «Сям'я ў сучасным свеце: Значэнне, тэндэнцыі і перспектывы».

Пастырская канферэнцыя «Мітрапаліт Іосіф (Сямашка). Жыццё і дзейнасць» прайшла ў Гомелі

Пра жыццёвы шлях мітрапаліта-ўз'яднацеля прысутным распавяла дацэнт кафедры гісторыі Беларусі новага і найноўшага часу Беларускага дзяржаўнага ўніверсітэта, прафесар Мінскай духоўнай акадэміі, кандыдат гістарычных навук Валянціна Анатольеўна Цяплова.

У Мінску пройдуць «Сужэнскія сустрэчы»

Закрыты семінар «Сужэнскія сустрэчы» пройдзе 23-25 лістапада ў Мінску ў паломніцкім цэнтры «Елисаветинский». Праграма ўключае дванаццаць тэматычных сустрэч. Яна дапамагае сужэнцам лепш зразумець пачуцці адзін аднаго, а таксама вучыць будаваць дыялог у сям'і і знаходзіць выхады з канфліктных сітуацый.

8-ы маладзёжны адукацыйны форум «QUO VADIS?» запрашае ўдзельнікаў

23-25 лістапада на базе адпачынку «Купалінка» пад Гродна адбудзецца 8-ы маладзёжны адукацыйны форум «QUO VADIS?», які арганізуецца Сінадальным аддзелам па справах моладзі Беларускай Праваслаўнай Царквы сумесна з аддзелам па справах моладзі Гродзенскай епархіі і пры падтрымцы Сінадальнага аддзела па справах моладзі Украінскай Праваслаўнай Царквы.

Прадстаўнікі Міністэрства працы і сацабароны прынялі ўдзел у будаўніцтве праваслаўнага храма ў Мінску

10 лістапада на будаўнічай пляцоўцы храма іконы Божай Маці «Усецарыца» па вуліцы Чыгуначнай у Мінску прайшоў суботнік з удзелам прадстаўнікоў Міністэрства працы і сацыяльнай абароны Рэспублікі Беларусь. Узначалілі дэлегацыю работнікаў Мінпрацы першы намеснік міністра Андрэй Лабовіч і намеснік міністра Аляксандр Румак.

У Брэсце прайшоў II Афанасьеўскі інтэлектуальны турнір

6 лістапада ў абласным цэнтры маладзёжнай творчасці горада Брэста адбыўся II Афанасьеўскі інтэлектуальны турнір сярод навучэнцаў нядзельных школ Брэсцкай епархіі, прысвечаны 220-годдзю з дня нараджэння і 150-годдзю з дня смерці мітрапаліта Віленскага і Літоўскага Іосіфа (Сямашкі).

У канцэртнай зале «Мінск» адбудзецца канцэрт у гонар пяцігоддзя хору «Усіхсвяцкі»

У праграме канцэрта 15 лістапада ў канцэртнай зале «Мінск» прагучаць духоўныя спевы, народныя і свецкія песні, а таксама творы, упадабаныя слухачамі.

Епархіяльныя лектары правялі заняткі ў школах Магілёва

У кастрычніку гэтага года ў школах № 1, 2, 5, 6, 9, 15, 18, 20, 21, 22, 25, 27, 31, 32, 33, 34, 35, 37, 40, 42, 43, а таксама ў гімназіях №1, 2, 3, 4 горада Магілёва лектары аддзела адукацыі і катэхізацыі Магілёўскай епархіі прачыталі лекцыі на тэму: «Сэнс жыцця. Шчасце чалавека».

У Свята-Троіцкім саборы Слоніма арганізавалі лекторый па маральнаму багаслоўю для вернікаў

З 4 лістапада пры Свята-Траецкім саборы горада Слоніма стартаваў навучальны курс лекцый па маральнаму багаслоўю. Сустрэчы праводзіць клірык Свята-Траецкага сабора протадыякан Генадзь Малееў, выкладчык Мінскай духоўнай семінарыі.

Абвешчаны конкурс эскізных праектаў аднаўлення Тураўскага крыжа

Беларуская Праваслаўная Царква аб'яўляе конкурс эскізных праектаў аднаўлення ўзвышальнага крыжа Тураўскай епархіі мяжы XII-XIII стагоддзяў. Да ўдзелу ў конкурсе на аднаўленне святыні запрашаюцца ювеліры, мастакі, дызайнеры, скульптары і архітэктары, якія маюць адпаведную прафесійную адукацыю або вопыт работы па стварэнню падобных мастацкіх твораў. Заяўкі на ўдзел прымаюцца да 15 лістапада.

Міжнародны форум, прысвечаны 370-годдзю мучаніцкай смерці святога Афанасія Брэсцкага, збярэ навукоўцаў з трох славянскіх краін

15 лістапада ў гарнізонным храме свяціцеля Мікалая Цудатворца на тэрыторыі мемарыяльнага комплексу «Брэсцкая крэпасць-герой» пройдзе Міжнародная навукова-практычная канферэнцыя «Праваслаўе ў духоўным жыцці Беларусі», прысвечаная 370-годдзю пакутніцкага скону прападобнамучаніка Афанасія (Філіповіча), ігумена Брэсцкага. Форум збярэ навукоўцаў-даследчыкаў з Беларусі, Расіі і Польшчы.

Беларускі святар-відэаблогер стаў пераможцам конкурсу рэсурсаў Царквы ў сацыяльных медыя

Конкурс адбыўся ў рамках VIII Міжнароднага фестывалю «Вера і слова». Другое месца ў намінацыі «Блог святара на YouTube» заняў іерэй Аляксандр Кухта, аўтар і вядучы відэаблога «Batushka ответит». Першае месца ў гэтай намінацыі не прысуджалася.

У Барысаўскай епархіі прайшлі «Пакроўскія сустрэчы» для жонак святароў

У нядзелю 28 кастрычніка ў жаночым манастыры ў гонар блажэннай Ксеніі Пецярбургскай у вёсцы Барань адбыліся Другія Пакроўскія сустрэчы, якія сабралі разам жонак клірыкаў усіх благачынняў Барысаўскай епархіі.

У Маладзечне прайшоў II Адкрыты духоўны фестываль «Музыка душы маёй»

У музычным форуме прынялі ўдзел як прафесійныя вакальныя ансамблі ўстаноў культуры Мінскай вобласці, так і харавыя калектывы прыходаў Маладзечанскай епархіі.

Прайшла V інтэлектуальная гульня «Пакроў» сярод моладзевых брацтваў Брэсцкай епархіі

Гульня была прысвечаная 370-годдзю з дня мучаніцкага скону заступніка Брэсцкай зямлі — прападобнамучаніка Афанасія, ігумена Брэсцкага.