У Мінску адбыўся фінал акцыі «Аднаўленне святынь Беларусі»

Сёлета фінальнае мерапрыемства акцыі прайшло на мемарыяльным комплексе «Масюкоўшчына» на месцы нацысцкага лагера ваеннапалонных «Шталаг-352» і працягнулася ў крыпце сталічнага Усіхсвяцкага храма.

Адбылася сустрэча Патрыяршага Экзарха ўсяе Беларусі з паслом Расійскай Федэрацыі ў Рэспубліцы Беларусь

28 верасня ў Мінскім епархіяльным упраўленні адбылася сустрэча мітрапаліта Мінскага і Заслаўскага Паўла, Патрыяршага Экзарха ўсяе Беларусі, з новапрызначаным Надзвычайным і Паўнамоцным Паслом Расійскай Федэрацыі ў Рэспубліцы Беларусь Міхаілам Віктаравічам Бабічам.

Епіскап Тураўскі Леанід узяў удзел у святкаванні 863-й гадавіны з дня заснавання Мазыра

Мэр горада Мазыра Алена Паўлечка ўручыла архіпастыру падзячны ліст ад Мазырскага райвыканкама «за вялікі ўклад у фарміраванне духоўна-маральных каштоўнасцяў, патрыятычнае і мастацка-эстэтычнае выхаванне мазыран».

У Мінску ўшанавалі памяць загінуўшых матацыклістаў

18 верасня — Дзень памяці загінуўшых матацыклістаў. Увечары гэтага дня ў Мінску байкеры традыцыйна наведалі храм-помнік у гонар Усіх святых, дзе адбылася паніхіда, а затым адправіліся за горад, дзе запусцілі нябесныя ліхтарыкі, ушанаваўшы памяць загінуўшых таварышаў.

Намеснік міністра фінансаў Расійскай Федэрацыі наведаў гомельскі кафедральны сабор

У рамках свайго візіту ў Рэспубліку Беларусь 21 верасня намеснік міністра фінансаў Расійскай Федэрацыі Аляксей Маісееў наведаў Петра-Паўлаўскі кафедральны сабор у горадзе Гомелі.

Протаіерэй Дыянісій Пясецкі прыняў удзел у Міжнароднай навукова-практычнай канферэнцыі па прафілактыцы наркаспажывання

Арганізатарам маштабнага форуму, у якім прынялі ўдзел больш за 100 прадстаўнікоў дзяржаўных структур і грамадскіх арганізацый Расіі і Беларусі, выступіла Генеральная пракуратура Рэспублікі Беларусь.

У Дзяржынскім гісторыка-краязнаўчым музеі праходзіць выстава, прысвечаная святой Валянціне Мінскай

18 верасня ў Дзяржынскім гісторыка-краязнаўчым музеі адкрылася выстава «Святая зямлі маёй», прысвечаная жыццю і падзвіжніцкаму шляху блажэннай Валянціны Мінскай — ураджэнкі вёскі Коскі Мінскага павета, якая цяпер уваходзіць у склад Дзяржынскага раёна.

У Мінску затрыманы лжэсвятар

У Мінску затрыманы лжэсвятар, які прадстаўляўся айцом Аляксандрам. Падманным шляхам, пад падставай зняцця псуты і будаўніцтва храмаў ён завалодаў грашовымі сродкамі і ювелірнымі вырабамі грамадзян. Праваахоўнікам вядома, што свае супрацьпраўныя дзеянні «айцец Аляксандр» ажыццяўляў на ўсёй тэрыторыі Рэспублікі Беларусь. Міліцыя просіць грамадзян, якія пацярпелі ад дзеянняў названай асобы, звяртацца па тэлефоне 102.

21 верасня адбудзецца прэзентацыя кнігі епіскапа Барысаўскага Веніяміна «Я гатовы ... жыццё і подзвіг свяшчэннамучаніка протаіерэя Іаана Васторгава»

Кніга прысвечаная жыццю і подзвігу за Хрыста пацярпелага протаіерэя Іаана Іаанавіча Васторгава (1867-1918), які досыць вядомы ў асяроддзі веруючага народу, але, несумненна, заслугоўвае большай увагі. Прэзентацыя адбудзецца ў гарадскім Доме культуры г. Барысава.

Новая нядзельная школа адкрылася ў Чавусах

На цырымоніі адкрыцця нядзельнай школы прысутнічалі: старшыня Чавускага райвыканкама Сяргей Драздоўскі, клірыкі Узнясенскага храма, парафіяне, выхаванцы школы і іх бацькі.

Архіепіскап Гродзенскі Арцемій ажыццявіў спецгашэнне паштовай маркі з выявай Каложскай царквы

14 верасня ў храме Каложскай іконы Прасвятой Багародзіцы адбылася цырымонія спецыяльнага гашэння паштовай маркі «Гарады Беларусі. Гродна» з выявай старажытнага Барыса-Глебскага (Каложскага) храма.

У Тураве адсвяткавалі традыцыйны «Дзень вянчання на святой Тураўскай зямлі»

Чатыры шлюбныя пары з Турава, Лельчыц і Давыд-Гарадка вырашылі ў гэты дзень узяць царкоўны шлюб у кафедральным саборы старажытнага горада Турава. Таінства здзейсніў епіскап Тураўскі і Мазырскі Леанід.

Гомельская епархія праводзіць набор слухачоў на трохгадовыя біблейска-багаслоўскія курсы

Курсы дадуць слухачам магчымасць сустрэцца з цікавымі людзьмі, пазнаёміцца на практыцы з лепшымі прыкладамі духоўна-асветніцкай працы, дапамогуць знайсці сваё месца ў шматграннай справе царкоўнай місіі.

У Оршы адбыліся ўрачыстасці ў гонар Аршанскай іконы Божай Маці

Яркай падзеяй стаў хрэсны ход са спісам Аршанскай іконы Вечнадзевы ад Куцеінскага манастыра да месца заснавання горада Оршы. Затым абраз Прасвятой Багародзіцы на маторнай лодцы праз раку Днепр быў дастаўлены ў Успенскі жаночы манастыр.

На сайце ЦНЦ «Праваслаўная энцыклапедыя» публікуюцца дакументы па пытанню далучэння Кіеўскай мітраполіі да Маскоўскага Патрыярхату

Царкоўна-навуковы цэнтр «Праваслаўная энцыклапедыя» завяршае працу над навуковым выданнем вялікага корпуса нававыяўленых дакументаў, якія адносяцца да пытання далучэння Кіеўскай мітраполіі да Маскоўскага Патрыярхату ў 1685-1686 гадах.