На базе прадстаўніцтва Беларускага Экзархату ў Маскве будуць праходзіць заняткі па беларускай мове

Праграма заняткаў уключае агляд агульных звестак пра Беларусь, знаёмства з алфавітам, фанетычным і граматычным строем мовы, мовазнаўчы аналіз тэкстаў Свяшчэннага Пісання Старога і Новага Запавету, азнаямленне з беларускай літаратурай.

Архіпастыры Беларускай Праваслаўнай Царквы прынялі ўдзел ва ўрачыстасцях з нагоды 1000-годдзя горада Брэста

6 верасня ў горадзе над Бугам пачаліся афіцыйныя трохдзённыя ўрачыстасці з нагоды 1000-годдзя горада Брэста. Адным з першых мерапрыемстваў, прысвечаных Брэсцкаму міленіуму, стала правядзенне ўрачыста-святочнай канцэртнай праграмы.

У БДМУ адбыўся малебен перад пачаткам навучальнага года

5 верасня ў інтэрнаце № 4 Беларускага дзяржаўнага медыцынскага ўніверсітэта адбыўся малебен перад пачаткам навучальнага года. Усе жадаючыя студэнты, выкладчыкі, работнікі інтэрната і ўніверсітэта мелі магчымасць папрасіць Божай дапамогі перад пачаткам вучобы і працы.

Патрыяршы Экзарх павіншаваў берасцейцаў з 1000-годдзем горада Брэста

«Брэст — адзін з самых старажытных гарадоў Беларусі. За тысячу гадоў яму давялося перажыць як часы міру, згоды і дабрабыту, так і гады войнаў, смут і неўладкаванняў. Але нават у самыя грозныя ліхалецці Брэст змог выстаяць дзякуючы жыццялюбству, стойкасці і мужнасці сваіх жыхароў» — гаворыцца ў віншаванні.

У Полацку адкрыецца праваслаўны сацыяльна-гуманітарны цэнтр

Да канца гэтага года пачне працу новы праваслаўны сацыяльна-гуманітарны цэнтр, размешчаны ў мікрараёне Марыненка горада Полацка. Прыход храма Пакрова Прасвятой Багародзіцы просіць дапамагчы ў зборы гуманітарнай дапамогі і сродкаў для адзінокіх, людзей, якія жывуць у нястачы, або апынуліся ў цяжкай жыццёвай сітуацыі.

VII Летні сямейны лагер прайшоў у Гродзенскай епархіі

Праваслаўны сямейны клуб «Адраджэнне», які дзейнічае пры Свята-Марфінскім храме горада Гродна, арганізаваў у вёсцы Парэчча VII Летні сямейны лагер. Працу лагера ўзначаліў каардынатар Гродзенскай епархіі па пытаннях сям'і, абароны мацярынства і дзяцінства іерэй Аляксандр Гук.

Свята вянчання адбудзецца ў Тураве 15 верасня

У дзень памяці святых Пятра і Фяўронні ўсе жадаючыя пары праваслаўнага веравызнання змогуць спалучыцца царкоўным шлюбам на святой Тураўскай зямлі — у калысцы Праваслаўя на Палессі. Таінства вянчання ва ўрачыстай абстаноўцы будзе здзяйсняць епіскап Тураўскі і Мазырскі Леанід.

У Жыровічах адбыўся круглы стол беларускіх і замежных літаратараў

31 жніўня ў актавай зале Успенскага Жыровіцкага стаўрапігіяльнага мужчынскага манастыра прайшоў круглы стол беларускіх і замежных літаратараў на тэму «Мастацкая літаратура як шлях адзін да аднаго». Удзел у ім прынялі прадстаўнікі 14 краін.

Пад Мінскам адбудзецца фестываль «Строчыцкія перазвоны — 2019»

14 верасня з 13:00 па 18:00 у Беларускім дзяржаўным музеі народнай архітэктуры і побыту ў Строчыцах (4 км ад Мінска) адбудзецца V штогадовы фестываль перазвону пад адкрытым небам «Строчыцкія перазвоны — 2019».

У Інстытуце тэалогіі БДУ адкрыецца выстаўка Уладзіміра Сайко «Ад крыніц зямлі…»

Уладзімір Рыгоравіч Сайко — беларускі жывапісец, баталіст, заснавальнік мастацкай майстэрні ў вёсцы Жажэлка Смалявіцкага раёна. На выстаўцы ў Інстытуце тэалогіі будуць прадстаўлены пейзажныя, партрэтныя і батальныя палотны мастака. Выстаўка адкрыецца 10 верасня ў 16:00.

Прадстаўнікі Беларускай Праваслаўнай Царквы наведалі мітынг-рэквіем у Трасцянцы

У мемарыяльным комплексе «Трасцянец» адбыліся дабрачынная працоўная акцыя «Дзень памяці» і мітынг-рэквіем, прымеркаваныя да 75-годдзя правядзення першага мітынгу ў памяць аб ахвярах лагера смерці.

У Брэсцкай епархіі адбыўся семінар па супрацьдзеянню алкагалізму і наркаманіі

3 верасня ў горадзе Брэсце адбыўся семінар для духавенства Брэсцкай епархіі, адказнага за работу аддзела па супрацьдзеянню наркаманіі і алкагалізму. Мерапрыемства наведаў архіепіскап Брэсцкі і Кобрынскі Іаан.

Архіпастыры Беларускай Праваслаўнай Царквы прынялі ўдзел у святкаванні Дня беларускага пісьменства

1 верасня па заканчэнні Літургіі ў Свята-Троіцкім саборы горада Слоніма архіепіскап Навагрудскі Гурый і епіскап Лідскі Парфірый пабывалі на гарадскіх урачыстасцях з нагоды Дня беларускага пісьменства.

Прыход храма іконы Прасвятой Багародзіцы «Усецарыца» ў горадзе Мінску адзначыў сваё прастольнае свята

Гасцямі ўрачыстасці сталі выхаванцы Сенненскай школы-інтэрната для дзяцей і падлеткаў, якія засталіся без апекі бацькоў. Епіскап Полацкі Ігнацій, які ўзначальваў богаслужэнне, уручыў хлопцам і дзяўчатам на малітоўную памяць кнігі, а школе-інтэрнату перадаў у дар мікрафоны і стойкі да іх.

У Слоніме асвячана капліца ў гонар святых Пятра і Фяўроніі

31 жніўня архіепіскап Навагрудскі і Слонімскі Гурый і епіскап Барысаўскі і Мар'інагорскі Веніямін здзейснілі ў горадзе Слоніме асвячэнне капліцы ў гонар святых дабраверных князя Пятра і княгіні Фяўронні, у манастве Давіда і Еўфрасінні, Мурамскіх цудатворцаў. На асвячэнне капліцы на чале з уладыкам Веніямінам прыбыла навукова-асветніцкая экспедыцыя «Дарога да святыняў». Удзельнікі экспедыцыі даставілі на Слонімскую зямлю Благадатны агонь ад Гроба Гасподняга і запалілі лампаду ў новазбудаванай капліцы.