Студэнты Мінскай духоўнай семінарыі выступілі з канцэртам у папраўчай калоніі

30 снежня архіерэйскі хор Мінскай духоўнай семінарыі выступіў з калядным канцэртам ў папраўчай калоніі-пасяленні № 21 пасёлка Шубіна Гомельскай вобласці. Студэнты выканалі богаслужэбныя спевы, калядкі і народныя песні.

Падведзены вынікі дзейнасці Хрысціянскага адукацыйнага цэнтра ў 2017 годзе

На выніковым пасяджэнні праўлення міжнароднага грамадскага аб'яднання «Хрысціянскі адукацыйны цэнтр імя святых Мяфодзія і Кірыла» былі падведзены вынікі дзейнасці цэнтра ў 2017 годзе. Год стаў для аб'яднання юбілейным: цэнтру споўнілася 20 гадоў.

Па вуліцах Партызанскага раёна сталіцы прайшоў хрэсны ход цвярозасці

У хрэсным ходзе прынялі ўдзел людзі, якіх не пакінула абыякавымі праблема алкагольнай і наркатычнай залежнасці. Раніцай 1 студзеня яны прыехалі ў прыход іконы Божай Маці «Неўпіўная Чаша» з розных канцоў сталіцы, каб сваім прыкладам сведчыць свету пра магчымасць цвяроза і радасна сустрэць новы год добрасці Божай.

Адбудзецца навуковая канферэнцыя Камісіі па кананізацыі святых Беларускай Праваслаўнай Царквы

12 студзеня ў Мінскай духоўнай акадэміі адбудзецца навуковая канферэнцыя «Святыя Белай Русі: актуальныя пытанні шанавання і праслаўлення». Уваход вольны. Запрашаюцца ўсе, хто цікавіцца пытаннямі агіялогіі і беларускай царкоўнай гісторыі.

У Віцебскай епархіі праходзіць фотаконкурс «Калядная казка»

Афіцыйны сайт Віцебскай епархіі сумесна з Віцебскім гарадскім парталам праводзіць конкурс фатаграфіі «Калядная казка», прысвечаны святу Ражджаства Хрыстова. Працы на конкурс прымаюцца да 20 студзеня.

Прызначаны новы старшыня Сінадальнага аддзела Беларускай Праваслаўнай Царквы па ўзаемаадносінах Царквы і грамадства

Рашэннем Сінода Беларускага Экзархату ад 29 верасня 2017 года (журнал № 54) на пасаду старшыні Сінадальнага аддзела БПЦ па ўзаемаадносінах Царквы і грамадства быў прызначаны настаяцель прыхода храма дабравернага князя Аляксандра Неўскага ў горадзе Мінску протаіерэй Мікалай Коржыч.

Прыняты Палажэнні аб узнагародах епархій Беларускай Праваслаўнай Царквы

Рашэннем Сінода Беларускай Праваслаўнай Царквы ад 29 верасня 2017 года (журнал № 48) былі прыняты Палажэнні аб узнагародах і зацверджаны эскізы ўзнагарод епархій Беларускай Праваслаўнай Царквы.

У свята Ражджаства Хрыстова ў Петра-Паўлаўскім кафедральным саборы Гомеля будзе здзейснена Літургія з сурдаперакладам

7 студзеня, у свята Ражджаства Госпада і Спаса нашага Іісуса Хрыста ў Петра-Паўлаўскім кафедральным саборы горада Гомеля будзе здзейснена начная Бажэственная літургія з сурдаперакладам, якую ўзначаліць епіскап Гомельскі і Жлобінскі Сцяфан.

Нацыянальная акадэмія навук Беларусі і Беларуская Праваслаўная Царква вызначылі напрамкі супрацоўніцтва на 2018 год

26 снежня мітрапаліт Мінскі і Заслаўскі Павел, Патрыяршы Экзарх усяе Беларусі, і Старшыня Прэзідыума Нацыянальнай акадэміі навук Беларусі Уладзімір Гусакоў падпісалі Комплексны план сумесных мерапрыемстваў на 2018 год.

Мітрапаліт Павел узначаліў цырымонію адкрыцця міжнароднага Каляднага фестывалю «Радасць»

26 снежня ў Палацы спорту горада Мінска адбылося ўрачыстае адкрыццё міжнароднага Каляднага фестывалю «Радасць», арганізаванага Лізавецінскім жаночым манастыром.

Віфлеемскі агонь міру пачаў перадкаляднае шэсце па беларускіх храмах

23 снежня ў парафіі храма іконы Божай Маці «Няўпіўная Чаша» горада Мінска адбылася ўрачыстая сустрэча агню з Базылікі Ражджаства Хрыстовага ў Віфлееме. Настаяцель прыхода протаіерэй Дыянісій Пясецкі здзейсніў урачысты малебен.

Мінчане і госці сталіцы запрашаюцца на канцэрт «Спявай Госпаду, уся зямля!..»

У праграме — выступленні паэтаў, музычных калектываў і салістаў. Прагучаць творы духоўнай паэзіі, праваслаўныя харавыя спевы, інструментальная класічная музыка. Канцэрт пачнецца ў Свята-Духавым кафедральным саборы 26 снежня ў 19:00, уваход вольны.

Прадстаўнік Беларускай Праваслаўнай Царквы прыняў удзел у выязным пасяджэнні Міжведамаснай камісіі пры Міністэрстве працы і сацабароны

З 20 па 22 снежня ў Полацкім раёне адбылося выязное пасяджэнне міжведамаснай камісіі пры Міністэрстве працы і сацыяльнай абароны Рэспублікі Беларусь па праблемах пажылых людзей, ветэранаў і асоб, пацярпелых ад наступстваў войнаў.

У МінДС адбыўся круглы стол «Руская Праваслаўная Царква ў гады масавых рэпрэсій»

Мерапрыемства прайшло ў рамках рэалізацыі праграмы Мінскай духоўнай семінарыі па захаванню памяці аб навамучаніках і вызнаўцах Рускай Праваслаўнай Царквы ХХ стагоддзя, прынятай 29 чэрвеня 2016 года на пасяджэнні Вучонага савета Мінскай духоўнай семінарыі.

Епіскап Бабруйскі і Быхаўскі Серафім узяў удзел у міжнароднай канферэнцыі «2017 — Год ісламскай салідарнасці: міжрэлігійны і міжкультурны дыялог»

Уладыка Серафім зачытаў у ходзе форуму прывітальны адрас мітрапаліта Мінскага і Заслаўскага Паўла, Патрыяршага Экзарха ўсяе Беларусі.