Патрыяршы Экзарх наведаў выстаўку ікон з мармуру ў музеі «Лошыцкая сядзіба» горада Мінска

16 мая мітрапаліт Мінскі і Заслаўскі Павел, Патрыяршы Экзарх усяе Беларусі, наведаў выстаўку ікон з мармуру «Беларускі брыльянт у кароне паладыумных ікон Праваслаўя» ў музеі «Лошыцкая сядзіба» горада Мінска.

Прэм'ера дакументальнага фільма пра мітрапаліта Іосіфа (Сямашку) адбылася ў маладзечанскім Палацы культуры

Дакументальную стужку прагледзелі больш за 400 чалавек: духавенства і прыхаджане храмаў Маладзечанскай епархіі, вайскоўцы, выкладчыкі і навучэнцы навучальных устаноў.

Епіскап Маладзечанскі Павел прыняў удзел у круглым стале «Мэтавая аўдыторыя — СЯМ'Я»

14 мая епіскап Маладзечанскі і Стаўбцоўскі Павел па запрашэнню дырэктара Палаца культуры горада Маладзечна прыняў удзел у круглым стале «Мэтавая аўдыторыя — СЯМ'Я», прысвечаным Дню сям'і, які адзначаецца ў Рэспубліцы Беларусь 15 мая.

Лізавецінскі манастыр запрашае на «Сужэнскія сустрэчы»

Як кажа духаўнік мінскага Лізавецінскага манастыра протаіерэй Андрэй Лемяшонак, сем'і хутка можна будзе запісваць у Чырвоную кнігу. Сапраўды, сямейныя пары распадаюцца ўсё часцей, і нікога гэта не робіць шчаслівым. Як раз для таго, каб захаваць шлюбныя адносіны, і праводзіцца ўжо вядомы многім семінар «Сужэнскія сустрэчы».

Мінскі дзіцяча-юнацкі хор «Встреча» атрымаў перамогу на XXXVIII Міжнародным фестывалі «Гайнаўскія дні царкоўнай музыкі»

Дзіцяча-юнацкі хор «Встреча» мінскага прыхода іконы Божай Маці «Усіх тужлівых Радасць» стаў уладальнікам I прэміі XXXVIII Міжнароднага фестывалю «Гайнаўскія дні царкоўнай музыкі» у Рэспубліцы Польшча.

У Мінскай духоўнай семінарыі пройдуць Чытанні памяці свяшчэннамучаніка мітрапаліта Круціцкага Пятра (Палянскага)

У рамках мерапрыемства адбудуцца выступленні царкоўных і свецкіх даследчыкаў, накіраваныя на асэнсаванняе трагічнай гісторыі Рускай Праваслаўнай Царквы ў ХХ стагоддзі.

Лаўрэатам II ступені XXXVIII Міжнароднага фестывалю «Гайнаўскія дні царкоўнай музыкі» стаў хор з Ваўкавыска

8 мая хор парафіі святых роўнаапостальных Мяфодзія і Кірыла горада Ваўкавыска па благаславенню архіепіскапа Гродзенскага і Ваўкавыскага Арцемія прыняў удзел у XXXVIII Міжнародным фестывалі «Гайнаўскія дні царкоўнай музыкі» ў Рэспубліцы Польшча.

Мітрапаліт Павел узначаліў пашыранае пасяджэнне Епархіяльнага савета Мінскай епархіі

Прысутныя абмеркавалі пытанні, звязаныя з падрыхтоўкай да святкавання 30-годдзя заснавання Беларускага Экзархату, якое будзе адзначацца сёлета. Епархіяльны Савет таксама ўтварыў камісію пад кіраўніцтвам протаіерэя Фёдара Поўнага для вывучэння сітуацыі, звязанай з Курапатамі, і выпрацоўкі агульнацаркоўнай пазіцыі па гэтай справе.

У Мінскай духоўнай акадэміі адбудзецца сустрэча з вядомым праваслаўным пісьменнікам Таццянай Шыпошынай

Таццяна Шыпошына смела бярэцца за няпростыя тэмы, звязаныя з нядаўняй гісторыяй ганенняў за веру, за праблемныя сюжэты. Але гэта кнігі пра ўзыходжанне да святла. Большасць твораў аўтара адрасаваныя маладым чытачам. Сустрэча пройдзе 15 мая ў 19:30.

20-годдзе газеты «Воскресение» адзначаць у Мінску

16 мая а 19:00 на базе Мінскай духоўнай акадэміі пройдзе ўрачысты вечар, прысвечаны 20-годдзю газеты «Воскресение». Павіншаваць калектыў газеты з юбілейнай датай можа любы жадаючы. Уваход на мерапрыемства вольны.

Епіскап Лідскі Парфірый наведаў псіханеўралагічны інтэрнат

8 мая епіскап Лідскі і Смаргонскі Парфірый з архіпастырскім візітам наведаў Мінойтаўскі псіханеўралагічны дом-інтэрнат. Архіерэй узначаліў богаслужэнне ў малітоўным пакоі інтэрната і павіншаваў багамольцаў са Светлым Хрыстовым Уваскрасеннем.

Трэцяя епархіяльная вучнёўская канферэнцыя прайшла ў Пінску

На базе Пінскай цэнтральнай гарадской бібліятэкі адбыўся другі тур III епархіяльнай вучнёўскай канферэнцыі «Моладзь: свабода і адказнасць». Арганізатарам канферэнцыі стаў аддзел рэлігійнага адукацыі і катэхізацыі Пінскай епархіі сумесна з аддзелам адукацыі, спорту і турызму Пінскага гарвыканкама.

У Магілёве на месцы былога канцлагера была здзейснена паніхіда

9 мая каля паклоннага крыжа на месцы былога нацысцкага канцлагера для ваеннапалонных, вядомага як «Лупалоўскі лагер смерці», клірык Спаса-Праабражэнскага кафедральнага сабора горада Магілёва іерэй Андрэй Шаварын здзейсніў паніхіду па загінуўшых воінах.

У Брэсцкім дзяржаўным музычным каледжы адбыўся Харавы Велікодны тыдзень

У Брэсцкім дзяржаўным музычным каледжы імя Рыгора Шырмы завяршыўся Харавы Велікодны тыдзень. Яркім вынікам трыяды ўнікальных канцэртаў у рамках праекта «Харавыя сустрэчы Брэста» стаў канцэрт харавой духоўнай музыкі з сімвалічнай назвай «Велікодная мазаіка».

Патрыяршы Экзарх усклаў вянок да манумента Перамогі ў горадзе Мінску

9 мая на Плошчы Перамогі ў горадзе Мінску адбылася ўрачыстая цырымонія ўскладання вянкоў да манумента Перамогі. Цырымонію ўзначаліў Прэзідэнт Рэспублікі Беларусь Аляксандр Рыгоравіч Лукашэнка.